LAOAG CITY – Maragsakan ti Queen of All Media Kris Aquino iti anakna a ni Bimby Aquino Yap iti umuna nga ambassadorship para iti healthcare plan a brand.
Naipaam-ammo ni Bimby iti maysa a video no sadinno a naitampok ti kinapateg ti healthcare ken nag-open up daytoy iti bukod a kapadasan ti pamiliana.
Impakaammo pay ni Kris nga adda dagiti saritaanda ken ni Bimby no sadinno a nangipakita ni Bimby ti interes iti healthcare.
Iti met biang ni Bimby, pinilina ti healthcare a personal a desisionna gapu iti kapadasan ti pamiliana ken ti pannakaawatna no kasano ti kinapateg ti healthcare iti pagilian.
