LAOAG CITY – Inpetteng ni Senate President Sherwin Gatchalian nga agtultuloy ti impeachment trial ni Vice President Sara Duterte agingga nga adda ti quorum ti senate impeachment court, uray saan nga agatendar ti defense team.
Segun ken ni Gatchalian, opsyon ti depensa no agatendar wenno saan iti sumaruno a panagdengngeg, ngem kasapulan paylaeng nga ileppas ti impeachment court ti narugyan a proceedings.
Inbatad daytoy ni Gatchalian kalpasan nga inrakurak ni defense counsel Sheila Sison a ti aniaman a panagatendar wenno partisipasyon ti defense team mangrugi intono Setyembre 28 ket agbalin nga ad cautelam, wenno tapno mapagtalined laeng dagiti legal a karbengan da.
Kabayatanna, binigbig ni Gatchalian a mabalin nga agkiddaw ti Temporary Restraining Order wenno TRO ti depensa iti Korte Suprema tapno temporaryo nga isardeng ti impeachment trial kabayatan ti panangkwestyunar da ti baro a voting threshold ruling.
Nupay kasta, kuna na a nakadepende daytoy iti agbalin nga addang ti Korte Suprema iti nasao a petisyon.
