LAOAG CITY – Ikonkonsiderar ti Department of Agriculture (DA) ti panangadaptar iti “scientific” strategy tapno makissayan ti manamnama a nakaro nga epekto ti potentially record-breaking El Niño inton sumarsaruno a bulan.
Mainaig iti daytoy, impasigurado ti departamento a nakasaganadan kalpasan ti El Niño a napasaran ti pagilian idi tawen 2023 agingga iti tawen 2024.
Iti baet daytoy, basar iti state weather bureau PAGASA, ti manamnama nga El Niño ket mabalin nga agpaut agingga iti bulan ti Marso agingga Hunio iti tawen 2027, no sadinno 40 a probinsia ti manamnama a makapasar ti nakaro a panagtikag.
Kabayatanna, segun iti Department of Agriculture, dagiti lugar a manamnama a pagsentroan ti nakaro a tikag ket ti Ilocos Region, Cagayan Valley ken ti Western Visayas.
Gapu iti daytoy, impanamnama ti departamento ti insigida a tulong kadagiti naruay maapektaran ti nasao nga El Niño kalpasan ti panangi-release ti Department of Budget and Management ti P6.2 billion a pondo para iti fertilizer ken fuel assistance ken ti panagkiddaw pay ti departamento ti kanayunan a P3.5 billion a para met kadagiti irrigation projects.
