LAOAG CITY – Nakoronaan kas Miss Ilocos Norte 2026 ni Miss Jirah Joy Francisco manipud iti ili ti Badoc bayat ti coronation night, iti Centennial Arena, Setiembre 26.
Ti newly crowned queen Ilokana ket indauloanna ti 21 a dadduma pay a kandidata manipud iti nagduduma a siudad ken munisipalidad ti probinsia ti Ilocos Norte.
Kabayatanna, nagun-od met ni Miss Sarrat ti 1st Runner Up; 2nd Runner Up ni Miss Batac, idinto a 3rd runner up ni Miss Solsona ken 4th runner up ni Miss San Nicolas.
Ita a tawen, dagiti panel of judges ket binukel dagiti natan-ok nga indibidual manipud iti nagduduma a fields of expertise pakairamananda Mr. Alec Mapalo, Ma. Athisa Manalo, Gloria Diaz, Benjamin Manahan Jr., Kim Angela Santos, Brian Jay Corpuz ken ni Mr. Tim Yap.
Maymaysa laeng ti nagbalin a saludsod kadagiti Top 5, daytoy ket “Aside yourself, who do you want among your runners-up to win instead of yourself, and why?” no sadinno a ti nagbalin a sungbat ni Miss Badoc ket “If not myself, it would be Batac City. However, we all deserve to win this competition tonight. We all sacrificed, we all put in the effort for this pageant, and so, we all deserve to win.”
Kabayatanna, tinawen a maiyusyuswat ti Miss Ilocos Norte no sadinno, ipakpakita dagiti nagduduma a kandidata manipud kadagiti nagduduma a siudad ken munisipalidad ti kinapintas ti kultura, talento dagiti modern nga ilokana ken ti lugar ti Ilocos Norte a maipannakkel saan laeng ditoy probinsia no diketdi iti intero a pagilian ken iti intero a lubong.
