LAOAG CITY – Mangipila ti National Citizens’ Movement for Free Elections (NAMFREL) ti petision for certiorari kontra iti pannakaitantan ti Barangay and Sangguniang Kabataan Elections (BSKE).
Impakaammo ni NAMFREL Secretary General Eric Alvia ti plano da ken inawaganna nga ‘unconstitutional’ ti linteg.
Nangipeksa ti NAMFREL ti pannakadismaya iti pannakaitantan ti Barangay and Sangguniang Kabataan Elections (BSKE) no sadinno a kunada a suportaran ken makipagmaymaysada ti kalikagum a mang-kuwestionar iti konstitusion.
Immunan iti daytoy ti panangpirma ni Presidente Ferdinand Marcos Jr. ti gakat para iti pannakaitantan ti Barangay at Sang Kabataang Elections no sadinno a gagem daytoy tapno mapasayaat ti serbisio, makompleto dagiti programa,ken makapokus dagiti opisial a mangipaay ti kasapulan ti tunggal komunidad, pamilia, ken agtutubo.
Nupay kasta, kuna ni Alvia a masapul koma nga agsina nga isyu ti pannakaiyalud-od ti termino ken pannakaitantan ti eleksion.
