LAOAG CITY – Inbatad ti Bureau of Customs (BOC) a binulan a sumurok P700-M ti manamnama a pannakalugi iti collections ti manamnama a mapasaran ti gobierno kalpasan ti pammilin ni Presidente Ferdinand “Bongbong” Marcos Jr. a pannakasuspenso ti excise taxes iti liquefied petroleum gas (LPG) ken kerosene.
Basar iti nasao nga ahensia, agarup P3 billon iti collections ti nalugi idi naikkaat ti excise tax iti LPG ken kerosene manipud iti bulan ti Abril agingga iti bulan ti Hunio kadaytoy a tawen.
Maipalagip a gapu ti agtultuloy a panagngato ti presio ti langis iti international market ken ti nabayagen a kiddaw ti publiko, pinirmaan ni Presidene Marcos ti Executive Order No. 125 a nangsuspenso ti excise taxes iti LPG, malaksid kadagiti raw material a maususar para iti produksion ti petrochemical products wenno mausar kas motive power ken ti kerosene, malaksid no mausar daytoy kas aviation fuel.
