LAOAG CITY – Kalikagum ni Mrs. Carmen Barroga, residente iti Brgy. Tabug, iti siudad ti Batac nga isubli dagiti nagatangna nga appliances.
Patienna a ginundawayan isuna dagiti aglaklako gapu ta saan a nakapagsaan daytoy bayat a kinasaritada isuna.
Kinunana a dinarup dagiti aglaklako ken inbagada a no gumatang isuna iti produktoda ket ado ti maiyawidna a freebies.
Gapu iti daytoy, immanamong isuna ken napanda iti balayda ken dita nga inyawatna ti Credit Card-na ken saanna nga inpagarup nga adda ti intugotda a machine nga isu ti nangi-swipe-anda no man pay ti pagammona ket kitaenda laeng daytoy.
Naamoan a dagiti ramit a binayadanna ket ti alkaline, Induction stove, cookware, air fryer, b-massager ken blender.
Mainaig iti daytoy, kiddawna ti tulong kangrunaan manipud iti Department of Trade and Industry tapnu maisubli dagiti ramit gapu ta awan ti namnamaenna a pagbayadna.
Iti agdama, tallo bulanen a saan a nakapag tinnag ni Mrs. Carmen ket dumanonen iti P56,000 a gatad ti singsingirenda kenkuanan.
