LAOAG CITY – Impakaammo ni Iranian Minister Abbas Araghchi a nakasagana manen ti Iran no mangirugi manen ti riribok ti Estados Unidos kalpasan nga inbasura ti Washington ti pito nga aldaw a plano-da para iti panaglukat manen ti Strait of Hormuz.
Iti baet daytoy, inbatad ni US President Donald Trump a mangnamnama daytoy ti kanayonan a negosasion ityi Iran ita a lawas bayat nga impettengna ti panagballigi ti Washington iti napasamak a riribok iti uneg ti apagbiit laeng a panawen.
Kabayatanna, naiget a naglikudan ti military ti Estados Unidos ti rakurak ti Tehran a nagun-od ti military ti Iran ti maysa a modern underwater US done iti mismo nga Strait of Hormuz.
Mainaig iti daytoy, naarestar met ti lima a lallaki iti paset ti pasilidad ti airbase iti United Kingdom nga ususaren ti Estados Unidos iti operasion kontra iti Iran gapu iti mapagduduaan nga armas ken adda pakainaiganna iti terorismo.
