LAOAG CITY – Naiyalokar ti agdagop P10M a pisos para iti panagsagsagana iti agbalin nga epekto ti Super El Niño para kadagiti mannalon ken mangngalap ditoy siudad ti Laoag.
Segun ken ni Mayor James Bryan Alcid a daytoy ket insagana ti lokal a gobierno ti Laoag tapno adda ti pagalaanda ti pondo a mangtulong kadagiti mannalon ken mangngalap no man adda ti nakaro nga agbalin nga epekto ti Super El Niño kadakuada.
Nupay kasta, inbatad ti Mayor ng aiti agdama, basar ti report ti City Agriculture Office ket awan met pay dagiti naapektaran gapu iti El Niño.
Kinunana a no man adda dagiti pannakadadael ket nalaka laeng a ma-monitor no mano ti gatad dagitoy gapu ta adda ti Protect Sari a mangtulong kadakuada.
Kabayatanna, impasiguradona nga adado pay a tulong ti maipaay kadagiti mannalon ken mangngalap iti siudad.
Ti panagsagsagana ket ks paset ti naamoan a marikna ti Super El Niño nga agpaot agingga Hulio ditoy pagilian.
