LAOAG CITY – Nagtalinaed a co-accused ni Senador Jinggoy Estrada ni dati a Department of Public Workds and Highways (DPWH) Secretary Manuel Bonoan iti graft case a nakapenpen iti Sandiganbayan Second Division.
Iti panagdengngeg, inbatad ti prosecution nga agtalinaed a accused ni Bonoan kabayatan a maiyur-uray ti addang ti Office of the Ombudsman iti rekomendasyon da no ania ti sumaruno nga aramiden da iti kaso.
Immunan a nagkedkedan ti Sandiganbayan idi Agosto 3 ti mosyon ti prosecution nga ikkaten ni Bonoan kas akusado.
Basar iti korte, mabalin a maapektaran dagiti depensa a mabalin nga usaren ni Estrada no ikkaten ni Bonoan iti kaso.
Nupay kasta, inlawlawag ti Korte a saanna nga inserra ti posibilidad nga agbalin a prosecution witness ni Bonoan ken saan met a desisyon daytoy iti agbalin a kredibilidad wenno kadagsen ti possible a testimonya na.
Inpila ti Ombudsman idi Mayo 28 ti graft ken plunder charges kontra kada Estrada ken Bonoan mainaig ti maipagarop nga iregularidad iti budget insertions ken kickbacks nga adda ti pakainaigan ti DPWH infrastructure ken flood-control projects iti babaen ti 2025 national budget.
