LAOAG CITY – Nakigtot dagiti Netizens iti nagbalin a rakurak ti aktres ken social media personality a ni Bea Borres mainaig iti maudi a pannakinaig iti ex-boyfriend-na.
Iti maysa nga interview ti vlogger a ni Benedict Cua, nagpagsaritaanda ti ‘closure’ kadagiti ex-da.
Nasaludsod ni Benedict no kasapulan pay laeng ti aktrws ti closure manipud iti dati a relasionna, ngem saan met a nadamakamat ti nagan ni Meray Yamada nga ama ti anak ni Bea.
Segun ken ni Benedict, saannan a kasapulan ti closure gapu ta naka-move on daytoyen manipud iti naglabas a relasionna, ngem kunana a ti ex-na ti agkidkiddaw ti closure.
Kagiddan daytoy, nakigtot ni Benedict ti sungbat met ni Bea a kayatna ti maudi a pannakinaig iti dati a karelasionna.
Immunan iti daytoy ti nag-viral a “gatasan vlogs” no Bea ken Meray no sadinno nga inlawlawag ti aktres a saanda a nagsinnublianan. Kunana a collaboration laeng gapu ta nadlawna ti nangato a monetization ti content vlogs no kadwana ti ama ti anakna.
