LAOAG CITY – Sisasagana ti Office of the President iti aniaman nga agbalin a pammilin ti Korte Suprema mainaig ti petision a mangkuestionar iti pannakaitantan ti barangay ken Sangguniang Kabataan elections (BSKE) a naikeddeng koma intono Nobiembre 2.
Segun ken ni Palace Press Officer Undersecretary Claire Castro, a ti Office of the Solicitor General ti mangibagi iti gobierno iti daytoy a saritaan.
Iti agdama, awan pay ti aniaman a naawat ti Palasyo a kopya ti petision nga impila ni election lawyer Romulo Macalintal.
Malaksid iti petition for certiorari and prohibition, nagkiddaw met ni Macalintal ti temporary restraining order (TRO) ken writ of preliminary injunction tapno maisardeng ti pannakaitantan ti barangay ken Sangguniang Kabataan elections (BSKE) elections.
