LAOAG CITY – Impakaammo ni Atty. Charito Malicad, mangidadaulo iti Bussiness Permit and Licensing Office (BPLO) ditoy siudad ti Laoag nga immado dagiti bilang dagiti pasdek negosio a nagkalikagom a mangkompleto kadagiti dokumntoda tapno pakaoperda a legal.
Daytoy ket gapu kadagiti immunan a naipaayan ti closure order gapu iti saan a kompleto a dokumentoda.
Gapu iti daytoy, naruayen dagiti pasdek negosio a nagilakad kadagiti kasapulan a dokumento tapno saanda a maipaayan ti closure order gapu iti kinakurang ti dokumento.
Inbatadna nga adda dagiti kabbaro ken nabayagen nga agnegnegosio nga agingga ita ket adda pay laeng dagiti kurang ti papelna isut gapuna a nabalakadan dagitoy.
Innayonna nga insigida met ti panagtignay dagitoy no sadinno nga isut rason nga immado dagiti bilang dagiti agilaklakad iti papel.
Kabayatanna, kinunana a dakkel a tulong ti panangipaayda ti closure order kadagiti sumagmamano a pasdek negosio gapu ta daytoy ti nagbalin a wagas tapno agbutengda ken insigida ti panangkompletoda kadagiti dokumentoda.
