LAOAG CITY – Inbatad ni Bureau of Corrections (BuCor) Director General Gregorio Catapang a kasapulan nga agaplikar nga umuna ti parole da Cedric Lee ken Deniece Cornejo tapno mawaya-wayaan da.
Inrakurak daytoy ni Catapang sumagmamano nga aldaw kalpasan a naamoan ti
Inbilin ti Court of Appeals ti pannakawaya-waya da Lee ken Cornejo kalpasan a nabaliwan ti sentensiya da.
Nupay kasta, kuna ni Catapang a kasapulan paylaeng nga iserbi dagiti dua ti sentensya da para iti maysa pay a kaso ti grave coercion.
Inpaganetget ni Catapang a saan a mabalin a paggiddanen a pagserbian da Cornejo ken Lee ti dua a sentensiya da.
Patta-pattaen ni Catapang a mabalin nga umabot daytoy ti agingga iti uppat a tawen.
Agpada a nabalud da Lee, Cornejo ken dadduma pay a pada da nga akusado idi 2024 kalpasan a sinentensyaan ida ti maysa korte iti Taguig gapu iti ilegal a panangibalud da iti aktor ken TV host a ni Vhong Navarro.
Inpakaammo ni Catapang nga ipatulod ti Bureau of Corrections dagiti maiyannatop a dokumento iti Board of Pardons and Parole.
Inpaganetget ti BuCor chief nga adda ti proseso a kasapulan paylaeng a suruten sakbay a naan-anay a mawaywayaan dagiti dua.
