LAOAG CITY – Naglikudan ti Senate Impeachment Court a ni Presiding Officer Chiz Escudero ti rason wenno manglaplapped iti panagtestigo ni dati a Senator Antonio Trillanes IV iti impeachment ni Vice President Sara Duterte.
Impetteng ni Impeachment Court Spokesperson Atty. Reginald Tongol a dagitoy nga impormasion ket saan nga umno wenno palso laeng a damag.
Kunana nga awan ti manglaplapped a maidasar ni Trillanes ken ti pannaka-isyu ti subpoena kenkuana ket kiddaw lang ti prosecution team.
Inbatad ni tongol nga alisto laeng ti agaramid ti istorya ngem narigat daytoy a paneknekan ken ammona a dagiti agipadpadamag ket manipud pay kadagiti abogado.
Kabayatanna, nagpalagip met ni Tongol kadagiti agiwarwaras ti palso a damag kangrunaan kadagiti abogado nga agannad tapno saan a maiturong iti disbarment.
