LAOAG CITY – Nakasagana a makitaripnong ni Interior Secretary Jonvic Remulla iti grupo a True Brown Style (TBS).
Segun ken ni Remulla, maaramid laeng daytoy no isardeng ti grupo ti panagiwaras ti krimen.
Inpetteng ni Remulla a saan a maikkat ti nasao a negatibo nga impresyon iti grupo gapu kadagiti naglabas a rekord a nairekord manipod iti nagduduma a komunidad.
Adda metten ti listaan dagiti otoridad kadagiti miembro ti nasao a grupo.
Inrakurak daytoy ni Remulla kalpasan a naglikudan ti grupo ti pannakaikon-konektar da iti panagiwaras ti krimen iti pagilian.
