LAOAG CITY – Immaboten iti sumurok 500 iti 3,700 nga higher universities iti France ti naapektaran ti pannakaitantan ti klase gapu iti agtultuloy a tignay-protesta dagiti agtutubo gapu iti saan a nainkalintegan a kasasaad dagiti pagadalan.
Basar kadagiti rakurak, naaddaan payen ti rinibo a riribok iti baet dagiti agtutubo ken polis.
Naamoan a maur-uram pay dagiti dalan gapu iti pannakadismaya ken pungtot iti kondision ti sector ti edukasion ti France.
Kabayatanna, 170 nga estudiante ken sumurok 65 met nga staff member ti nairekord a nasugatan kadagiti tignay-protesta, no sadinno a pakairamanan ditoy ti 40 nga high school principals.
Namunganay ti protesta iti Paris, ti kabisera ti pagilian, agingga a naapektaran dagiti sumagmamano a kangrunaan a siudad kas ti Montpellier, Nantes, ken Marseille gapu iti pannakadismayada kadagiti mangidadaulo ti pagadalan gapu iti saan nga umdas a mangisursuro ken pasilidad kadagiti pagadalan.
