LAOAG CITY – Inanunsyo ti Malakanyang ti panangabropar ni Presidente Ferdinand Marcos Jr., para iti P3 bilyon a pondo para iti sector ti agrikultura a mausar kas fuel subsidy.
Inanunsyo ti Department of Agriculture (DA) a daytoy ket para kadagiti mannalon, mangngalap, ken agricultural truckers kas paset ti adding ti gobierno tapno mapalag-an ti epekto ti panagngato ti presio ti produkto a petrolio.
Inbatad ni Department of Agriculture (DA) Undersecretary for Agro-MArine Industrial Systems Arrey Pere, a ti tunggal sector ket makaawat ti P1 bilyon a pakabuklan ti P3 bilyon.
Para kadagiti mannalon, mangipaay ti Department of Agriculture (DA) ti P5,000 one-time assistance iti babaen ti Interventions Monitoring Card (IMC) a mairugi inton Nobiembre a kalikagum nga ikamakam ti ahensia ita a bulan ti Oktubre kageddan ti planting season.
Manamnama met a makaawat dagiti mangngalap nga adda otorisado a fishing boat-na a makaawat ti – 9,350 cash assistance.
Kabayatanna, makaawat met ti agingga P2,000 dagiti operators dagiti agri-truckers ken food-lane a katukad ti 20 a litro ti gasoline nga addaan ti P10 a diskuento kada litro.
Maawat ti benepisio iti babaen ti panangipakita nga isuda ket umno nga akin kukua wenno dagiti agup-upa ti mechanized agricultural equipment.
