LAOAG CITY –Impakaamo ti Land Transportation Franchising and Regulatory Board (LTFRB) a nakaawatdan ti ado nga aplikasion para iti special permits iti baet ti manamnama a panagado dagiti pasaheros iti umay nga Undas.
Segun ti ahensia, nakaawatdan ti agarup 356 nga special permit applications a saklawen ti 1,003 routes a nangatngato ngem ti 323 nga applications no maikumparar idi napalabas a tawen.
Ti pannakaaprobar dagiti special permits ket mangipalubos kadagiti bus companies a masigurado a dagiti driver ket addaan ti physical ken mental fitness idinto a mabalakadan dagiti operators a dagitoy ti mapabasol iti reckless driving ti drivers no man adda mapasamak nga insidente.
Imbilin pay ti ahensia dagiti Regional Franchising and Regulatory Office personnel a kitaen dagiti kasasaad dagiti bus terminals ken ipasigurado a sumurot dagiti operators kadagiti kangrunaan a facility requirements para kadagiti pasaheros.
