LAOAG CITY – Inikkat amin ti Estados Unidos ti bombers na manipod iti RAF Fairford, iti British military base a nagsentroan ti maysa nga insidente nga im-imbestigaren dagiti otoridad kontra iti terorismo.
Iti statement manipod iti maysa nga opisyal ti US Department, kinumpirmaran na ti pannakaikkat aminen dagiti bombers manipod iti British military base ken naisubli dan iti home stations da idiay America.
Saan metten a nangipaay ti Estados Unidos ti rason iti panangikkat da kadagiti bombers sa iti British military base kalpasan ti major incident idi Setyembre 27 no sadinno a naalerto dagiti pulis iti tallo a mapagduduwaan a behikulo iti asideg ti airbase iti Gloucestershire.
Mainaig iti daytoy, lima a lallaki ti naarestar iti maipagarop a terror offences iti asideg ti base ngem nawayawayaan da metlaeng kalpasan a nakapagpiyansa dagitoy.
Kabayatanna, nagkedked met ti Ministry of Defense iti United Kingdom a nagkomento mainaig iti panangikat ti Estados Unidos kadagiti bombers da iti British military base.
