LAOAG CITY – Inpakaammo ni Mrs. Marites Maynes, Senior Labor and Employment Officer iti Department of Migrant Worker – Regional Office I a naruay dagiti distressed Overseas Filipino Workers wenno repatriated Overseas Filipino Workers nga agtultuloy iti opisina da.
Segun ken ni Maynes, dagiti nasao nga Overseas Filipino Workers ket naggapo iti nagduduma pagilian kas iti Hongkong, Singapore ken iti Middle East.
Mainag iti daytoy, kuna na a ti kangrunaan nga ipaay da a tulong ket iti medical assistance wenno iti program action plan assistance.
Inbatad na a ti napalabas a lawas ket umabot iti 16 dagiti inasistiran da iti medical assistance gapu ta adda dagiti Overseas Filipino Workers a dumaldalan ti sakit a cancer ken dadduma pay.
Inlawlawag na a dagitoy nga assistance manipud iti opisina da ket maited a tseke ken nakadepende ti kantidad a maipaay ket saan nga agpapada no sadinno a no regular action plan a distressed OFW ket umabot iti 50 ribo a pisos idinto a no medical assistance ket umabot iti 75 ribo a pisos.
