LAOAG CITY – Inbilin ti Makati Regional Trial Court ti pannakaarestar ni Representative Leandro Leviste gapu iti maipagarop a panaglabsing na iti probisyon ti Public Service Act.
Segun ken ni National Bureau of Investigation (NBI) Director Melvin Matibag, dagus a makikoordinar dagiti otoridad iti Bureau of Immigration (BI) tapno amwen ti opisyal nga status ken lokasyon iti agpanpanday linteg para iti pannakaipatungpal ti warrant of arrest.
Naudi a nairekord nga adda iti pagilian a France ni Leviste kadwa na ti ina na a ni Senador Loren Legarda, nga agdama nga agpapaagas iti nasao a lugar.
Namnamaen a mangiparuk-at ti opisyal a rakurak ti kampo ti agpanpanday linteg mainaig iti legal nga addang nga aramiden da tapno sungbatan ti pammilin ti korte.
Agtultuloy a banbantayan ti NBI ti iseserrek ken iruruwar iti pagilian ti agpanpanday linteg tapno masiguradao ti naurnus a pannakaiserbi ti warrant of arrest iti kanito nga agsubli ditoy Pilipinas.
