LAOAG CITY – Naatrasan ti maysa a delivery truck ti maysa a Toyota Innova a naka-parking partikular iti sango ti Land Transportation Office iti Barangay Vira ditoy siudad ti Laoag.
Basar ti inisial nga imbestigasion ti Philippine National Police (PNP) Laoag, nag-parking ti delivery truck iti sango Toyota Innova ngem saan a kinabaelan ti naipan a kalso ti truck isut gapuna a naatrasan daytoy.
Mainaig iti daytoy, segun iti nangmaneho ti Toyota Innova, adda daytoy iti uneg ti Land Transportation Office (LTO) idinto nga adda nangngeg na a kanalbaag ket apaman a kitaenna daytoy ket naduktalanna a ti gayam Toyota Innova ti nadisgrasia.
Ti Toyota Innova ket kukua ti agasawa a residente ti ili ti Marcos no sadinno a kagatgatangda laeng idi napalabas a Hunio ita a tawen ken mai-renew koma.
Iti agdama, manamnama ti panagsasarita ti akin kukua ti Toyota Innova ken ti drayber ti delivery truck.
