LAOAG CITY – Kwinestionaran ni Senator-judge Robin Padilla no apay a madakdakamat iti impeachment trial ti nagan ni dati a Presidente Rodrigo Duterte mainaig kadagiti bank records a mailanlanad iti Senado.
Iti panag-saludsod ni Padilla ken ni BPI witness Marwin Galvez, kinuna ti senador a nariparna a namin-adun a daras a nadakamat iti panagdengngeg ti nagan ti dati a presidente, nga adda ti joint account-na ken ni Vice President Sara Duterte.
Immunan a kinumpirmaran ni Galvez ti nasao a joint bank account da Vice President Sara Duterte ken ti dati a Presidente a ni Rodrigo Duterte.
Basar iti testimonia, adda ti dua a time deposit iti nasao a joint account nga agarup umabot iti P96 million, maysa a P41-million time deposit idi tawen 2010 ken ti maysa apay a 55 million a na-convert iti manager’s check.
