LAOAG CITY – Kampante ti kampo ni Vice President Sara Duterte iti kinasaganada a sangoen dagiti dadduma pay nga imbestigasion, malaksid iti manarimaan nga impeachment trial iti Senado.
Segun iti pannakangiwat ti bise presidente a ni Atty. Paolo Panelo, nakasagana ti legal team ni VP Sara a sangoen dagiti dadduma pay nga imbestigasion a posible nga ipila dagiti aniaman nga investigating body kontra kenkuana.
Karaman iti daytoy ti posibilidad nga imbestigasion mainaig kadagiti isyu a rumrumuar iti impeachment trial kas kadagiti agarup financial issues-na.
Inabatad ni Atty. Panelo nga agtaltalinaed ti posision ni VP Sara nga awan ti inaramidna nga anomalia iti baet ti panagserserbina iti publiko.
Maipalagip nga addan dagiti nangipila ti plunder ken kadagiti dadduma pay a reklamo kontra iti bise presidente gapu iti financial issues a maipagarup nga adda pakainaiganna.
