LAOAG CITY – Inbatad ti Department of Agriculture (DA) a ti pangta ti nakaro nga El Niño, a possible nga agpaot agingga iti umuna nga innem a bolan ti 2027 ket saan nga umdas a rason tapno ipangato ti presyo dagiti magatgatang gapu ta adda ti makaumanay a suplay ti taraon.
Segun ken ni Department of Agriculture spokesperson Arnel de Mesa, ar-aramiden amin ti gobierno ti kabaelan na tapno masigurado nga adda ti umdas a taraon agingga a malpas ti El Niño phenomenom, kabayatan ti agtultuloy a panangsuporta da kadagiti local producers.
Innayon ti Department of Agriculture a naiget ti pannakikoordinar da iti Department of Trade and Industry (DTI) ken dagiti local government units (LGUs) tapno mamonitor ti possible nga hoarding ken profiteering iti baet ti pangta ti panagpasar ti napaot a tikag.
