LAOAG CITY – Agsubli manen iti pagilian ti Filipino-British singer-songwriter a ni Beatrice Laus wenno ad-adda nga am-ammo kas “beabadoobee” para iti Manila leg iti ‘The Powerlines Tour-na’ inton Abril 13, 2027.
Naikeddeng nga ag-perform ti singer iti SM Mall of Asia Areana iti Pasay City, basar iti anunsio ti local event organizer ti nadakamat a concert.
Mangrugi ti pre-sale ti concert-tickets inton Oktubre 12 ken ti general sale inton Oktubre 15.
Iti tour-na ket kasaruno ti debut ti maika-uppat nga album na a ‘Pylon’ a nai-release idi napalas a bulan.
Maipalagip a daytoyen ti maikatlo a daras nga umay ni “beabadoobee” iti pagilian no sadinno naudi nga immay daytoy idi tawen 2022 ken 2025.
