LAOAG CITY – Nagballaag iti sumagmamano a doktor dagiti risgo ti panaginom iti energy drinks aglalo kadagiti ubbing.
Pakairamanan dagiti risgo ket ti abnormal heartbeats, increased heart rate, sleep disturbances, dehydration, agitation, high blood pressure ken seizures.
Segun kadagiti sumagmamano a medical groups, pakairamanan ti American Academy of Pediatrics, a masapul a liklikan dagiti ubbing ken agtutubo ti panaginum ti energy drinks gapu ta addaan daytoy ti sobra a caffeine a delikado kadagiti ubbing.
Basar iti kabaroan a resulta iti federally funded Monitoring the Future survey nga insayangkat ti University of Michigan, 23% iti Grade 12, 20% iti Grade 10 ken 18% ti Grade 8 ti naireport nga agkunkunsumo ti energy drinks iti inaldaw.
Depende iti produkto, mapatta-patta nga umabot 80 agingga 300mg per serving ti caffeine content dagitoy.
Mainaig iti daytoy, ti rekomendasion ti pediatrics academi. a caffeine limit dagiti ubbing nga agtawen 12 agingga 18 ket agingga laeng ti 100mg iti inaldaw kabayatan a saan masapul nga saan pulos agkonsumo ti aniaman a caffeine.
