LAOAG CITY – Inbatad ni Mr. Niño Oconer, Secretary General ti La Union Peace and Justice Advocates, a saan a nakaskasdaaw para kadakuada ti panagakar ni Senador Mark Villar ti majority bloc kabayatan dagiti sangsangoenna ken iti pamiliana a kaso mainaig iti korapsion, over-evaluation ken dadduma pay a kaso nga adda pakainaiganna dagiti deals iti Prime Water.
Patienda a daytoy ket political maneuver ti pamilia Villar ken tulagan iti Villar ken Marcos dagiti kaso dagiti Villar.
Innayonna pay a daytoy ket tulagan iti panagbotos iti impeachment trial ni Vice President Sara Duterte.
Dinakamat pay Oconer iti panagakar ni Senador Mark Villar iti majority bloc kabayatan nga agtalinaed iti puesto ni Senador Camille Villar iti minority bloc ket mangipakita ti umno a kinarugit ti political dynasty no sadinno aramidenda amin a wagas tapno malibasan dagiti nagbasolan ken masalakiban ti bukod a bagi ken pamilia uray ania a partido ti mangabak.
Inbatadna a kwestinoable iti panang-elect ken ni Senador Mark iti Senado kas mangidaulo iti Department of Public Works and Highways (DPWH) gapu ta panagraira ti korapsion idi panawen a sektratrio daytoy iti nadakamat nga ahensia.
Naamoan nga adda iti babaen ti ahensia ti local water utilities administrasion.
Mainaig iti daytoy, idi panawen nga sekretario daytoy, nagdoble wenno nagtriple ti simrek a joint venture agreements ti Prime Water kadagiti local water district iti nagduduma a paset ti pagilian nga agingga ita ket bulok ti serbisio nga ipapaayda.
Nupay kasta, ti panagakar ti sumagmamano nga senador iti majority bloc, inpaganetget ni Oconer nga adda bukod nga interes dagiti senador ken kasapulan nga agsungbat dagiti maseknan iti korapsion.
