LAOAG CITY – Opisialen a nalukatan ken nakita ti annual income tax returns ni Vice President Sara Duterte ken ti asawana a ni Manases Carpio iti maika-36 nga aldaw ti impeachment trial.
Iti saan a panagtuloy ti naiskedyul a panangisayangkat ni Privae prosecutor Erwin Matib ti direct examination iti prosecution witness manipud iti Bureau of Internal Revenue (BIR), Atty. Anne Marquez, nangiremedio ti prosecution iti babaen ti panangidasar ti sabali pay a witness, ti financial analyst ken tax expert Alex Cabrera.
Apaman daytoy, kinondenar met ti defense lead counsel, Sheila Sison daytoy gapu ti maudi a gundaway a panagsukatda ti witness nga ibilang na kas ‘unfair’.
Daytoy ti gapuna a sinuspenso ti Senate impeachment court ti trial manipud 10:42 pm agingga 2:30 pm.
Idinto a nagtuloy ti panangusig, nagparang ni Matib ken ditoy nga inbutaktakna ti rekord dagiti agasawa a P85.3 million a gatad ti income manipud 2007 agingga 2025.
