LAOAG CITY – Dinayyeg ti sumagmamano a napipigsa a panagbettak iti northern strategic area ti Strait of Hormuz kalpasan a nasagid ti naval mine ti sumagmamano nga oil tanker a dumaldalyasat iti nasao a kabaybayan.
Basar report manipod iti militar, possible a na-trigger dagiti barko dagiti nakalemmeng nga underwater explosive gapu iti panagdalyasat da kadagiti saan nga otorisado a maritime corridor.
Awan pay ti inpaay nga opisyal a detalye dagiti otoridad mainaig iti pakabigbigan dagiti naapektaran nga oil tanker, bilang dagiti nasugata a crew, wenno pakabuklan ti perdisyon nga intunda dagiti panagbettak kadagiti barko.
Maipalagip a namin-adon a daras a nagballaag ti Iran kontra kadagiti barko nga agus-usar kadagiti rota nga awan ti pmmalubos manipod iti Tehran, a kangrunaan a nangpangato ti tensyion ken panagamak iti seguridad ti trade ti langis iti daytoy a narrow waterway.
