LAOAG CITY – Intantan ti Quezon City Regional Trial Court 98 ti arraignment ni Vice President Sara Duterte para iti reklamo a grave threats.
Daytoyen ti maikadwa a postponement ti arraignment nga orihinal a naikeddeng idi Setyembre 11 ita a tawen.
Nakedked met a nangipaay ti detalye ti legal counsel ni Duterte a ni Atty. Paul Lawrence Lim mainaig iti baro nga skedyul gapu ta kayat na a ti mismo korte wenno prosekusyon ti paggapwan ti impormasyon.
Kuna ni Lim a nagdesisyon ti presiding judge nga adalen da paylaeng nga umuna ti pending motion for partial reconsideration ad cautelam ni Duterte iti RTC pakairamanan ti petition for certiorari iti Korte Suprema.
Inbatad na a gagem ti motion for partial reconsideration a kumbinsiren ti presiding judge a baliktaden ti paset ti immuna a pammilin a pagkedkedan ti mosyon ti depensa para iti inhibition ti judge manipod iti kaso.
Immuna nga hearing, nagkedkedan ti judge ti motion for inhibition ngem pinatgan na ti depensa iti kiddaw nga i-defer ti arraignment.
Kiniddaw pay kampo ni Duterte iti Korte Suprema a mangisyu ti temporary restraining order (TRO) mainaig iti kaso.
Maipalagip nga idi Agosto 11 ket nagpila ti Department of Justice (DOJ) ti three counts ti reklamo a grave threat mainaig kadagiti rakurak ni Duterte iti online press conference idi 2024.
