LAOAG CITY – Dimmuprak ti napeggad a Hurricane Isaias iti Florida, United States of America, a nangitunda ti panagibakwit ti rinibo a residente iti lugar.
Nagisyu dagiti lugar kas Florida, Alabama, ken Georgia ti state of emergency gapu iti panagballaag dagiti meteorologists ti peggad nga ipaay ti Hurricane a mangitunda ti agingga siam a kadapan wenno 2.7 a metro ti kangato ti layus iti sumagmamano a lugar.
Ti Hurricane Isaias ket maysa kadagiti tallo a bagyo a makaapektar iti North America idinto a dagiti dua ket dumuprak iti Mexico ken Southern California kageddan ti panagbara ti danom iti Pacific Ocean gapu iti El Niño.
Kabayatanna, basar ti National Weather Service, agturong ti sentro ti Hurricane Isaias iti Alabama ken Tennesse Valley.
