LAOAG CITY – Ikonkonsiderar ni Presidente Ferdinand Marcos Jr., ti native hydrogen kas maysa a potensial nga energy source para iti Pilipinas.
Daytoy ket kalpasan ti pannakitaripnong ti Presidente iti Koloma Inc. idiay Malakanyang tapno pagasaritaan ti exploration activities ti kompanya idiay Zambales, Pangasinan ken Tarlac.
Inbatad ni Presidential Communications Office (PCO) Undersecretary ken Palace Press Officer Claire Castro a napasamak ti miting sakbay a nagturong ti Presidente idiay Singapore para iti working visit-na kabayatan a kalikagum ti administrasion a masigurado ti naan-anay ken ti agtultuloy nga electricity supply iti intero a pagilian.
Iti nasao a miting, kinuna ni Castro a napagsaritaan dagiti opisial ti Koloma ti agtultuloy nga exploration activities ti kompanya idiay Zambales, Pangasinan ken Tarlac.
