LAOAG CITY – Umabot iti 12 a tattao ti natay idinto a 309 a sabsabali dagiti nasugatan iti panagatake iti King Khalid International Airport iti Riyadh, Saudi Arabia.
Daytoy ti maikatlo a gundaway a naraot ti nasao nga erupuerto ita a lawas.
Nupay awan pay ti grupo a nangadmitir iti napasamak a panagatake ket mamati dagiti otoridad a ti grupo nga Houthi rebels ti adda iti likudan ti panagraot.
Ti rason ket gapu ta supsuportaran ti Saudi Arabia ti Yemen government iti pananglaban da iti Houthi rebels a ti adda iti likudan daytoy ket ti Iran.
Gapu iti insidente ket ado dagiti flights iti kangrunaan nga erupuerto ti Saudi Arabia a na-divert ken ti dadduma ket nakanselar.
