LAOAG CITY – Makasango ni Pinay tennis star Alex Eala dagiti sumagmamano a pamilyar a rupa iti Wuhan Open.
Kalpasan ti draw ket adda ti posibilidad na makasango ni Eala da Filipino-Canadian tennis star LeyLah Fernandez ken ni world number 3 Jessica Pegula.
Kagapgapo laeng ni Eala iti WTA1000 kas 13th seed ken iyur-uray na ti makasango na iti umuna a round ti torneo.
Adda iti Section 4 ti Pinay tennis star no sadinno a mabalin na a makasango ni Fernandez no mangabak daytoy iti laban na kontra ken ni Ekaterina Alexandrova.
Nagsangon da Eala ken Fernandez iti Round of 16 ti Mubadala DC Open no sadinno a nangabak ti Pinay tennis star iti iskor a 6-2, 7-6.
Mabalin nga iti maikatlo a rikos ti torneyo ket makasango na ti American tennis star kalpasan a nakastrek daytoy ti seed number 2.
Agpada nga addan ti maysa a panangabak ken maysa a pannakaabak da Eala ken Pegula iti dua a gundaway a panagsango da.
