LAOAG CITY – Pinirmaanen ni Governor Cecilia Araneta-Marcos ti gakat a gagem na ti pannakaipatungpal ti tinawen nga Inabel Awards ditoy probinsya ken ti pannakailatang ti pondo para iti programa.
Daytoy ti naragsak nga inpakaammo ni Liga ng mga Barangay President Ryan John Pascua ditoy probinsya.
Segun ken ni Pascua, adda ti nailatang a P1.7-milyon a pisos a mausar iti pannakaipatungpal ti programa para iti umay a tawen.
Kuna na nga iti tunggal malpas ti maysa a tawen ket maisayangkat ti Inabel Awards tapno mapadayawan dagiti barangay babaen ti nagduduma a criteria babaen ti pannakaputar dagiti ordinansa ken resolusyon, kasta met ti pannakaiyimplementar dagitoy.
