LAOAG CITY – Nagtataripnong ti nagduduma a pagopisinaan ti City Government of Laoag tapnon makabukel ti contingency plan para iti sanitary landfill.
Daytoy ti inbatad ni Ms. Mylene Pascual, mangidadaulo iti City Environment and Natural Resources ditoy siudad.
Kinunana a ti contingency plan ket maysa a wagas tapno maliklikan ti aniaman nga emerhensia iti sanitary landfill.
Inyarigna daytoy iti sabali a pasamak kadagiti nagduduma a paset ditoy pagilain dagiti uram a namunganay iti sanitary landfill ken kasta met dagiti insidente ti pannakagabor dagiti sumagmamano a pagtaengan a nakatayan dagiti sumagmamano nga indibidual.
Inbatadna a ti contingency plan ket pagtitinnulongan a bukelen dagiti sumagmamano a pagopisinaan iti City Goverment ditoy siudad pakairamanan iti City Disaster Risk Reduction and Management Office, City Engineering Office, Health Office, City Environment and Natural Resources Office, City Social Welfare and Development Office ken dagiti dadduma pay nga ahensia ti gobierno.
Kabayatanna, impanagetget ti City Governent a rumbeng a maaramid dagitoy nga addang tapno masigurdo ti kinasagana ken maliklikan ti dakdakkel a pannakaapektar dagiti residente ditoy siudad.
