LAOAG CITY – Naglikudan ni Vice President Sara Duterte a kukua na dagiti sanikua nga im-imbestigaren ti National Bureau of Investigation (NBI) a maikonkonektar kenkuana ken ti pamilya na.
Iti statement, inpetteng ni Vice President Duterte a makaalarman a ti National Bureau of Investigation a ponpondoan ti umili ket us-usaren na dagiti operasyon da para kadagiti aktibidad nga awan ti nalawag a pakairanudan ti publiko.
Kuna pay ti bise presidente a ti lote iti ladawan a nadakamat ti ahensya nga adda iti Statement of Assets, Liability, and Net Worth wenno SALN na ket saanna a bagi.
Immunan nga inpetteng ni NBI Director Melvin Matibag nga im-imbestigaren ti ahensya dagiti sanikua tapno suruten ti pattern a nailanad iti affidavit ti naikkat a pulis a ni Rodulfo Gracioso Jr.
