LAOAG CITY – Binabalaw ni Mamamayang Liberal Party-list Rep. Leila de Lima ti maipagarup a panagulimek ni Vice President Sara Duterte mainaig kadagiti panang-harass ti China kadagiti Pilipino mangngalap.
Iti post-na iti X (dati a Twitter), inbatad ni De Lima a makapadanag ti maipagarup a panagawat ti maysa a kumpanya a maikonkonektar iti Bise Presidente ken iti asawana nga agdagup ti P319 million manipud kadagiti sumagmamano nga state-owned enterprises ti China.
Malaksid kadaytoy, nadakamat pay iti nasao a post ti agarup P1 billion a saan a mailawlawag a kinabaknang a maikonkonektar ken ni Duterte.
