LAOAG CITY – Nagpakita iti maikadwa a gundaway ni dati a Presidente Rodrigo Duterte iti maikapat nga Status Conference iti International Criminal Court (ICC) mainaig iti kaso na a crimes against humanity, a daytoy ket adda ti pannakainaig na iti kampania na kontra illegal a droga idi daytoy ti mayor iti Davao City ken nagserbi a presidente ti Pilipinas.
Nagatendar ni Duterte iti 4th status conference a gagemna nga urnosen dagiti detalye ken panagsagana para iti pannakausigna a mangrugi intono Nobyembre ita a tawen.
Nagtugaw ti dati a presidente iti likod dagiti abogadona ken nagusar ti headset kabayatan ti panagdengngeg.
Immunan a nagatendar ni Duterte kadagiti panagdengngeg iti babaen ti video link kalpasan a naikabil iti The Hague, Netherlands.
Maipalagip a saan a nagatendar ni Duterte kadagiti sumagmamano a napalabas a panagdengngeg sakbay ti personal a panagatendar iti maikatlo nga status conference ti kaso na idi Setiembre.
Sumangsango ti dati a Presidente iti tallo a bilang ti crimes against humanity.
Basar kadagiti prosecutor, maipagarup nga adda pakainaigan ti dati a presidente iti saan a nababbaba ngem 76 a panagpapatay manipud idi 2013 agingga 2018 iti kangitingitan ti kampania ti administrasyon na kontra kadagiti agususar ken agilaklako ti iligal a droga.
Naikeddeng intono Nobiembre 30 a panangrugi ti panangusig ti International Criminal Court a possible nga agpaot iti sumagmamano a bulan wenno tawen.
