LAOAG CITY – Inpakaammo ni Governor Cecilia Araneta Marcos nga iti agdama ket awan pay dagiti programa a mangpapigsa ken mangawis kadagiti turista nga umay agpasiar ditoy probinsia.
Nupay kasta, inlawlawagna nga iti agdama ket adda dagiti sumagmamano a nakalinya nga aktibidad a mabalin a mangallukoy kadagiti turista a bumisita ditoy probinsya.
Inbatad na nga iti maudi a paset ti bulan ti Oktubre ket maisayangkat ti Semana ti Ar-aria Ilocano Halloween Festival.
Kunana a ti sumaruno nga isaganaan ti gobierno probinsyal ket ti panag-host ti probinsia iti National Food Showdown iti kaunaan a gundaway.
Inpalgakna a ditoy a maitampok dagiti gastronomical dishes ti Ilocos Norte.
Segun ken ni Governor Marcos, daytoy ket maysa a regional competition a pakipartisiparan dagiti kabangibang a probinsia.
Mangnamnama ti gobernador a saganaan a naimbag dagiti umili ditoy probinsya ti pannakipartisipar da tapno mangabak da iti nasao a kompetision gapu ta mabigbig ti Ilocos Norte kadagiti agkakaimas a makan.
Innayon na a ti nasao nga aktibidad ket intandudu ti maysa a nasinged a pagayamna a chef a ni Ms. Myrna Segismundo tapno mataginayon dagiti traditional a filipino foods.
Malaksid iti daytoy, kunana a plano pay a maisayangkat ti Himala sa Buhangin iti stadium iti kaunaan a gundaway intono bulan ti Pebrero
