LAOAG CITY – Namnamaen ti Department of Agriculture (DA) a makapastrek ti nasurok a P10-bilyon a nayun ti mapastrek manipod iti nangato a taripa ti karne ti baboy.
Kuna ti ahensya a mausar ti nasao a pondo para iti panangsuporta iti animal sector ti pagilian.
Iti naisayangkat a panagdengngeg ti Tariff Commission (TC), inbatad ti Department of Agriculture a ti pannakaipangato ti taripa iti karne ti baboy ket mangipalubos iti gobierno nga agkolektar ti ad-ado a revenues tapno mapondoan ti Animal Competitiveness Enhancement Fund (AnCEF).
Gagem ti addang ti ad-adda a pannakapadur-as ti livestock, poultry ken dairy industry ti pagilian.
