Immapela ni Senador Bong Go ti patas a panangusig kalpasan a nasaludsod kenkuana mainaig ti panangibabawi ti prosekusion iti tallo nga articles of impeachment kontra ken ni Vice President Sara Duterte.
Inbatadna a kas senator-judge ken uray asino ket kalikagumna a makakita ti patas nga impeachment trial ni Vice President Sara Duterte.
Nagkedked met ni Go nga agkomento iti saludsod no ti pagaammona ket saan kadi a patas ti ruling ti Impeachment court a palubosan ti panangibabawi iti tallo nga articles of impeachment gapu ta manarimaan pay laeng ti panangusig.
Innayonna a karebbengan ti prosekusion nga ibabawi ti articles of impeachment ngem naikkan koma ti gundaway ti depensa a makalaban ti patas.
