LAOAG CITY – Inrekomendar dagiti eksperto iti bakuna ti World Health Organization (WHO) a mabalin nga ipatungpal dagiti pagilian ti regular a panagbakuna kontra iti human papillomavirus (HPV) kadagiti ubbing a babai nga agtawen ti uppat agingga iti walo, no makatulong daytoy tapno maipangato ti nababa a bilang ti nabakunaan.
Segun ken ni Anthony Scott, mangidaulo ti Strategic Advisory Group of Experts on Immunisation (SAGE) ti World Health Organization, addan ti 165 a pagilian ti nangipatungpal ti HPV vaccination program.
Nupay kasta, adda paylaeng ti 33 a porsiento ti global HPV vaccine coverage, adayo iti target a 90 a porsiento ti World Health Organization.
Immunan nga inrekomendar ti World Health Organization ti panagbakuna dagiti ubbing a babbai nga agtawen ti 9 agingga iti 14 kontra iti human papillomavirus.
Basar iti World Health Organization, ti cervical cancer nga itunda ti agtultuloy nga impeksiyon ti human papillomavirus ket maikalia a naipagagangay a cancer a paspasaren dagiti babbai iti intero a lubong.
Idi 2024, mapatta-patta nga 604,000 ti baro a kaso ken 280,000 ti pimmusay gapu iti nasao a sakit.
