LAOAG CITY – Inarestar dagiti pulis ni Atty. Levito Baligod, pakairamanan dagiti 14 a dadduma pay nga indibidual gapu iti sangsangoenda a kaso nga unjust vexation iti San Juan City ita a Biernes, Oktubre 16.
Maipalagip a ni Atyy. Baligod ti abogado dagiti 18 a dati a bodyguard ni Zaldy Co a maipagarup a nangipatulod kadagiti maleta a naglaon kadagiti kuarta iti maanomalya a flood control projects ken kadagiti dadduma pay a proyekto ti gobierno a pang-imprastraktura.
Basar iti korte, agdagup iti P10,000 ti naidasar a piansa iti tunggal maysa kadakuada.
Iti agdama, addan iti uneg ti pagbaludan iti San Juan City Police Station ni Baligod.
Iti baet daytoy, impasigurado met ti kampo ni Baligod ti panagaramatda kadagiti amin a legal a wagas tapno sangoen dagiti kaso a naipila kadakuada.
