Lumaban manen para iti baro a world title ti two-time Olympic gold medalist a ni Carlos Yulo.
Daytoy ket kalpasan a nakastrek iti apparatus finals ti floor exercise ken vault events iti 54th Artistic Gymnastics World Championships iti Rotterdam, Netherlands.
Nupay napaay ti Golden Boy tapno ma-qualify iti all-arounds kalpasan a naiyawid na ti 34th place, napigsa ti fighting spirit ni Yulo para iti baro a world title.
Nagleppas ni Yulo iti maikadwa nga spot para iti floor exercise iti score a 14.500 idinto a nagleppas met iti maikanem nga spot para iti vault manipod iti score na a 14.266 no sadinno nga agpada a nakastrek daytoy iti finals iti nasao nga apparatuses.
Kadwa met ni Carlos ti ub-ubing a kabsat na a ni Karl Eldrew Yulo a nakagun-od ti 84th overall spot.
Naikeddeng a lumaban iti floor exercise ni Carlos Yulo iti sumaruno a lawas.
Iti agdama ket talon a world champion titles ti iggem ti gymnast star, no sadinno a nagun-od na ti umuna a titulo na idi 2019 idiay Germany, ti maikadwa idi 2021 iti Japan, ken idi laeng 2025 iti Indonesia.
Idi laeng setyembre ita a tawen ket nagun-od ni Carlos Yulo ti dua a balitok a medalya iti Asian Games a naiyuswat idiay Japan.
