Inbilin ni Presidente Ferdinand Marcos Jr. iti babaen ti Executive Order No. 127 para iti panangbukel ti national guidelines iti carbon market.
Gagem daytoy nga ipaayan ti gundaway a makapaastrek dagiti proyekto a makatulong iti panangsalwad ti aglawlaw ken panangipawil ti polusyon.
Iti nasao a sistema, mabalin a makapastrek dagiti mannalon, komunidad ken negosyo iti babaen ti panagmula ken panangsalwad kadagiti poon ti kayo, panangusar ti nadalos nga enerhiya ken dadduma pay nga aktibidad a mangkissay iti greenhouse gases.
Mabalin da a makaawat ti carbon credits a mailako kadagiti kompanya a kasapulan a tungpalen da dagiti karina da para iti pagsayaatan ti aglawlaw.
Segun ken ni Executive Secretary Ralph Recto, klikagom ti presidente a saan laeng a ti panangsalwad iti aglawlaw no di keet maaddaan ti nayun a pamastrekan, trabaho ken oportunidad iti pagbiagan dagiti Pilipino, aglalo dagiti komunidad.
Nupay kasta, kasapulan a sumurot dagiti proyekto kadagiti pagannurutan ti gobierno ken dumalan iti beripikasyon sakbay nga agbalin a kuwalipikado iti carbon credits.
Ti Department of Environment and Natural Resources (DENR) ti mangbukel kadagiti pagannurutan ken mangbuwangay ti Philippine National Carbon Registry tapno masubaybayan dagiti carbon credit ken maliklikan ti panagswitik wenno doble a panagbilang.
Idaulwan ti Climate Change Commission ti komite a mangiwanwan iti panangipatungpal ti pagannurutan, idinto nga agserbi a mangidaulo ti Department of Finance.
Mabalin met nga usaren ti mapastrek manipod iti carbon credits tapno pondoan dagiti proyekto a mangprotehir kadagiti komunidad kontra iti epekto ti climate change, kas ti natitibker nga imprastraktura ken pasilidad ti danom.
Inpetteng ni Recto a saan a baro a buwis iti carbon ti ipataw ti nasao a pammilin, no di ket idasar na ti pundasyon para iti maysa a regulado a paggatangan ti carbon credits.
