LAOAG CITY – Inpasigurado ti Malcañang nga agtalined a natibker ti relasion ti Pilipinas ken China iti baet ti panagsinnungbat iti Chinese Ambassador a ni Jing Quan ken dagiti sumagmamano nga agpanpanday linteg iti pagilian.
Segun ken ni Palace Press officer Atty. Claire Castro, saan a kalikagum ni Presidente Ferdinand Marcos Jr. nga agtuloy a saan a pumintas ti relasion ti gobierno iti China gapu iti nagbalin a rakurak ti Chinese Ambassador.
Maipalagip nga inbatad ti Chinese Embassy a nagtalinaed nga adda ti “extremely sensitive stage “ ti relasion dagiti dua a pagilian.
Kas sungbat, kuna ti embahada ti Tsina a nakalukat daytoy iti posibilidad a panagsango da Marcos ken Quan tapno maliklikan ti maipagarup a naaramid dagiti sumagmamano nga indibidual a panangikabil ti relasion dagiti dua a pagilian iti maysa napeggad a kasasaad.
Innayun pay ti Malakanyang nga makitaripnong ni Presidente ti Chinese Envoy iti diplomatiko nga addang tapno saan a maperdi ti relasion dagiti dua a pagilian.
