Nagpalagip ni Dr. Medeldorf Gaoat, Sang Panlalawigan member ken chairman ti Committee on Health ditoy probinsya mainaig kadagiti sakit a possible a mapasaran iti panawen ti El Niño wenno nakaro a kinabara ti panawen.
Nagballaag ni Gaoat iti publiko a namnamaen nga ado dagiti agsakit gapu iti nabara a panawen.
Karaman kadagiti sakit nga agraira iti nabara a panawen ket ti heat stroke, heat exhaustion, chicken pox, trangkaso ken dadduma pay.
Gapu iti daytoy, inbalakad ni Gaoat a masapol a pagtalinaeden ti bagi nga hydrated ken kasapulan ti naan-anay a panangsalwad ti salun-at.
